Rama Do te ndertohet nje vije 2.1 km, me gure dhe nje vije park e gjelberuar me rruge dhe stola

Kreu i Bashkise, Edi Rama, ka vizituar gjate dites se djeshme ecurine e projektit te radhes se bashkise, punimet qe po kryhen per sistemimin e shtratit te Lanes nga Ura e shkolles Teknologjike deri ne Unaze.

Gjate kesaj vizite, Rama u shpreh se projekti eshte i veshtire, por spektakolar dhe ka si qellim transformimin rrenjesor te Lanes. Eshte projekt spektakolar, sepse sjell transformimin rrenjesor te nje tjeter segmenti te lumit te Lanes, ku do te ndertohet nje vije e re mjedisore, e cila do te jete me gure dhe nje vije park, e gjelberuar, me rruge dhe stola teresisht ne dispozicion te kembesoreve.

Do te jete nje transformim shume i rendesishem mjedisor, sepse do te heqe me ne fund dhe do te largoje nga trupi i kryeqytetit gjithe kete grumbullim mbetjesh dhe njekohesisht do te garantoje nje cilesi te re mjedisore, theksoi kryebashkiaku.

Sipas projektit te bashkise, keto punime synojne krijimin e nje aksesi gjate gjithe gjatesise se lumit, transformimi i brigjeve te Lanes ne hapesira te gjelbra publike dhe semi-publike te hapura per komunitetin perreth. Po keshtu synohet nje nderhyrje urbane, e cila do te permiresoje cilesine e jetes se komunitetit, si nga pikepamja ambientale, ashtu edhe nga ajo urbane.

Pas perfundimit te punimeve ne kete zone shtrati i lumit do te kete skarpate ne te dyja anet e tij, gjeresia e shtratit eshte 9.25 metra lineare me dy bankina te gjelberuara nga 1 meter lineare ne te dy krahet e tij. Pastrimi i shtratit dhe rehabilitimi i skarpateve do te shoqerohet me mbjelljen e 510 pemeve dekorative te llojeve te ndryshme, te cilat do te jene pa dyshim elemente kryesore ne aspektin ekologjik qe karakterizon ekuilibrat urbane.

Sipas planit rregullues te bashkise, kjo pjese e lumit do te ngjasoje me nje park linear natyror, pa pranine e rrugeve per automjete ne dy brigjet e tij, sikurse ndodh ne segmentin tashme te ndertuar te Lanes.