Italiani u denoncua nga nje firme e dhenies se automjeteve me qera ne kryeqytet, pasi nuk kishte kthyer veturen

Dyshohet se 49- vjecari mund ta kete shitur veturen tip Fiat per pjese kembimi apo mund ta kete lene peng

TIRANE- Turisti italian shpallet ne kerkim per vjedhje dhe mashtrim te nje shoqerie shqiptare qe jepte autovetura me qera, pasi ai ka marre automjetin me qera firmes se mesiperme dhe nuk ia ka kthyer mjetin e madje nuk kishte paguar as parate e qerase.

Xhino Konkari (Gino Concari) 49 vjec, nga Italia, u shpall ne kerkim nga autoritetet policore te Antikrimit Ekonomik te policise se kryeqytetit. Konkari, u denoncua nga administratoret e firmes se automjeteve me qera, me teper se dy muaj, pasi ai kishte marre prej tyre nje automjet te subjektit per perdorim.

Madje sipas burimeve te policise, italiani Konkari ishte pajisur edhe me leje qarkullimi per brenda dhe jashte vendit nga drejtuesit e subjektit, duke bere qe ai te kishte mundesi te merrte automjetin.

Sipas burimeve te policise, Konkari kishte mberritur ne Shqiperi, ne muajin maj te ketij viti dhe kishte hyre nepermjet portit te Durresit si turist.

Nje fakt i tille eshte mesuar ne baze te deklarimit te tij ne piken e kalimit kufitar, prej italianit. Ky i fundit, menjehere sapo ka hyre ne Shqiperi, ka deklaruar se kishte ardhur per qellime turistike ne Shqiperi. Me pas ai ka mberritur ne Tirane dhe ka marre nje automjet me qera, te nje subjekti te licensuar ne kete drejtim biznesi.

Nga kontrata e lidhur mes tij dhe subjektit perkates, ai kishte marre ne perdorim nje automjet te markes Fiat me targa TR 1852 R. Pas me teper se nje muaj qendrimi ne Shqiperi, italiani eshte larguar nga Shqiperia ne drejtim te Italise. Nderkohe, automjetin qe kishte marre me qera ne kryeqytet, ai nuk e ka kthyer tek firma.Per me teper se nje muaj e gjysme, drejtuesit e subjektit kane pritur qe italiani te rikthente veturen e marre me qera jo pak te shtrenjte tek ata, por kjo nuk ka ndodhur.

Ne keto kushte, keta te fundit jane detyruar te denoncojne turistin italian, duke e akuzuar ate per vjedhje dhe mashtrim. Sipas burimeve te policise, italiani rezulton te jete larguar ne territorin shqiptar me teper se nje muaj e gjysme me pare, por pa automjetin qe kishte marre me qera.

Dyshimet e policise jane se ai mund tua kete shitur automjetin personave te trete apo mund ta kete lene ate ne forme pengu. Nje dyshim i tille eshte krijuar per shkak se hetuesit nuk kane gjetur asnje gjurme te automjetit.

Nderkaq, nje drejtim qe policia po verifikon eshte ajo e shitjes se mjetit per pjese kembimi ne ndonje pike te riparimit te automjeteve per thuajse gjysmen e vleres se saj. Ne kete menyre policia ka nisur verifikimet dhe kontrollet perkatese, ndersa ka derguar materialet ne prokurori ndaj Konkarit me akuzen e vjedhjes nepermjet mashtrimit.

Vlera e automjetit te vjedhur sipas burimeve te policise kap afersisht vleren e 12 milione lekeve te vjetra, shume qe tashme do te duhet te shlyhet nga italiani i hetuar nga policia dhe prokuroria.