Mbrojtesit ligjore qe mbrojne ne emer te shtetit personat qe s kane para per tu mbrojtur ne gjykate sjane paguar nga korriku 2009

Sajmir Visha, kreu i Shoqates se Avokateve, thote se Ministria e Drejtesise ka afat per shlyerjen e detyrimeve deri me 8 prill

TIRANE- Rreth 40 avokate kryesisht apo sic njihen ndryshe avokatet falas, qe caktohen nga policia, prokuroria dhe gjykata per mbrojtjen e nje personi gjate fazave te ndryshme te nje procesi penal, bojkotuan dje proceset hetimore dhe gjyqesore ne shenje proteste per mos pagimin e detyrimeve ndaj tyre.

Kryetari i shoqates se Avokateve Kombetare Penaliste, avokati Saimir Visha dhe disa prej emrave te ketyre avokateve kryesisht qe nuk pranuan te identifikohen thane dje se ata nuk kane marre pjese ne asnje seance gjyqesore apo marrje ne pyetje te ndonje personi nen hetim apo te akuzuar.

Sipas tyre, bojkoti i proceseve gjyqesore pritet te vazhdoje deri me 8 prill, kur eshte vendosur afati i fundit per Ministrin e Drejtesise dhe Zyren e Administrimit te Buxhetit Gjyqesor (ZABGJ-ja), per te kryer likuidimet. Te dy keto institucione, sipas kryetarit te shoqates, i jane borxhli avokateve kryesisht per mos pagimin e detyrimeve qe nga korriku i vitit 2009, kohe kur per here te fundit jane paguar per sherbimet e tyre keta avokate.

Qe sot (dje) rreth 40 avokate qe ndodhen ne listen e avokateve kryesisht, kane refuzuar te marrin pjese ne seancat gjyqesore qe jane parashikuar per tu zhvilluar gjate dites se sotme. Ata do te bojkotojne keto seanca deri me date 8 prill, dite kur eshte vendosur qe institucionet shteterore te reagojne per pagimin e detyrimeve ndaj tyre-tha avokat Visha.

Nderkohe, disa prej ketyre avokateve kryesisht te cilet kryejne vetem keto sherbime gjyqesore jane detyruar edhe gjate dites se djeshme te marrin pjese ne seanca gjyqesore te vleftesimit te arrestit dhe caktimit te masave te sigurise. Jam i detyruar qe edhe sot (dje) te marr pjese ne seancat gjyqesore te caktimit te masave te sigurise, pasi nese nuk shkojme kur na therret gjyqtari ai nuk na cakton me kete detyre here tjeter, cka na ben te mbesim pa pune.

Keshtu qe jam i detyruar te shkoi pasi gjyqtari me therret ne telefon -tha njera nga avokatet qe ndodhej ne katin e trete te Gjykates ne pritje te shqyrtimit te seances gjyqesore per vleftesimin e masave te sigurise.

Nderkohe, disa nga koleget e saj qe jane treguar me trima nuk kane preferuar te shkojne duke vazhduar me greven e tyre. Sipas kryetarit te shoqates, avokat Visha, nese Ministria e Drejtesise dhe ZABGJ-ja nuk leshon fondet per pagesat e tyre, kesaj greve do ti bashkengjiten edhe avokatet e tjere ne perkrahje te kolegeve.

Sipas avokateve, per cdo seance gjyqesore kur caktohet nje avokat kryesisht paguhet me 600 leke te reja, per seancat e caktimit te mases se sigurise apo edhe atyre te sigurimit te proves paguhen me 3 mije leke te reja.

Nderkaq, gjate hetimeve paraprake, nje avokat i caktuar nga prokuroria paguhet nga 3 mije leke deri ne 4 mije leke te reja. Per nje proces gjyqesor nga fillimi deri ne fund prane Gjykates se Shkalles se Pare avokati paguhet me 16 mije leke te reja edhe nese gjyqi zgjat deri ne tre vite, kjo shume i paguhet.

Ndersa ne polici, kur keta te fundit therrasin nje avokat per marrjen e ndonje personi apo te mituri ne pyetje, keta avokate nuk paguhen fare per shkak se Ministria e Brendshme nuk e ka parashikuar kete ne buxhetin e saj.

Pagesat

Per nje seance 600 leke
160 mije leke per nje proces gjyqesor
Masa 3 mije leke te reja
Sigurime prove 3 mije leke te reja
Faza hetimore 3 - 4 mije lek te reja
Kur thirren ne polici per te miturit nuk paguhen fare

DEKRETI

4 inspektore te KLD-se e nje avokat, behen gjyqtare

TIRANE- Me propozim te anetareve te Keshillit te Larte te Drejtesise, Presidenti i Republikes Bamir Topi, njekohesisht kryetar i ketij Keshilli dekretoi dje paradite emerimet e pese gjyqtareve te rinj.

Ky fakt konfirmohet nga faqja zyrtare e internetit te Presidences, ku njoftohen dekretet perkatese per keta gjyqtare, qe deri me date 1 prill 2010 kryenin detyren e inspektoreve prane KLD-se dhe avokatit. Keshtu, sipas dekreteve perkatese, Presidenti, me propozim te anetareve te KLD-se ka emeruar me detyren e gjyqtarit kater inspektoret e KLD-se, shtetasen Elda Vrioni ne Gjykaten e Tiranes, dhe shtetasit Astrit Faqolli, Alma Brati dhe Lazer Sallaku ne Gjykaten e Durresit. Gjithashtu, po me propozim te KLD-se Presidenti Topi ka dekretuar edhe emerimin e avokatit Petraq Curri me detyren e gjyqtarit ne Gjykaten e Durresit. Keto emerime u bene me date 1 prill ne mbledhjen e radhes te anetareve te KLD-se qe votuan emrat e personave kandidate per keto vendet vakante.

Gjithashtu, pervec ketyre emrave, KLD-ja ne nje mungese transparence te theksuar edhe per mediat kreu edhe nje sere transferimesh te gjyqtareve neper rrethe te ndryshme.

Emerimet

Elda Vrioni, me detyre inspektore prane KLD-se emerohet gjyqtare ne Gjykaten Tiranes.
Astrit Faqolli, me detyre inspektor prane KLD-se emerohet gjyqtare ne Gjykaten Durres.
Alma Brati, me detyre inspektore prane KLD-se emerohet gjyqtare ne Gjykaten Durres.
Lazer Sallaku, me detyre inspektor prane KLD-se emerohet gjyqtare ne Gjykaten.
Petraq Curri, avokat emerohet gjyqtar ne Gjykaten e Durresit