Berisha-Thaci Modifikimi i kufijve te Ballkanit, do te hapte nje cikel te ri konfliktesh. Te njihet statusi i Kosoves

Kryeministri Sali Berisha reagoi dje ndaj qendrimit te kryesocialistit Rama se vizita e kreut te grupit politik te Partive Popullore Evropiane, Zhozef Daul ishte nje fushate per qeverine. Sipas Berishes, vizita e Daul ishte ne kuadrin e marrjes se vendimit nga Komisioni i Jashtem i Parlamentit Evropian per liberalizimin e vizave me Shqiperine.

Ne kete menyre, sipas tij, vizita ishte nje fushate sa per heqjen e regjimit te vizave aq edhe ne aspektin personal te tij.

Berisha theksoi dje se cfaredo lloj interpretimi i kesaj vizite eshte jo realiste, pasi sipas Berishes mesazhi qe dha kreu i grupit politik te Partive Popullore ne Parlamentin Evropian, ishte me se i qarte per qytetaret shqiptare. Deklaratat u bene pas nje takimi qe kryeministri kishte ne qytetin e homologun kosovar, Hashim Thaci.

Ai beri fushate per mua, aq sa beri edhe per cdo shqiptar, qe mezi pret levizjen e lire te tij dhe heqjen e vizave per shqiptaret ne hapesiren europiane. Nga ana tjeter, mendoj se ne dallim nga cndodhi disa jave me pare, Joseph Daul mori takime me te gjithe spektrin politik parlamentar shqiptar dhe dha mesazhet me te shkelqyera te bashkepunimit.

Çdo interpretim tjeter i kesaj vizite eshte jo realiste dhe shqiptaret e kane shume te qarte se cili ishte lajmi qe u solli miku i tyre i shquar, Joseph Daul, vetem nje dite pasi ai ishte edhe arkitekti i tij ne Parlamentin Europian,- tha dje Berisha gjate konferences per shtyp.

Ne takimin e tyre ne qytetin e Durresit, te dy kryeministrat kane diskutuar mbi proceset integruese te dy vendeve dhe perspektiven e shtetit me te ri te Kosoves, i cili pret edhe opinionin mbi statusin e pavaresise nga Gjykata Nderkombetare e Hages.

Kryeministri i Kosoves Hashim Thaci, u shpreh se ky takim kishte ne themelin e tij, trajtimin e ceshtjeve per zbatimin e te gjitha kritereve demokratike, si parakusht i domosdoshem per tu integruar, qofte ato kritere politike, ekonomike, apo te legjislacionit, nderkohe qe Shqiperia nuk ka zgjidhur krizen politike duke mos arritur deri me tani te permbushe kriterin politik si kusht kryesor per integrimin ne Bashkimin Evropian, ndersa Kosova eshte ne pritje te opinionit te GJND-se mbi statusin e saj.

Lidhur me kete ceshtje kreu i qeverise se Kosoves evidentoi se kjo opinioni i kesaj gjykate do te jete ne perpjesetim te drejte me vendimet e institucioneve te shtetit te Kosoves dhe sipas tij, asgje nuk mund ktheje mbrapsht pavaresine e saj dhe se per te do te kete njohje te reja.

Opinioni i Gjykates Nderkombetare do te jete nje opinion ne perputhshmeri me vendimet e institucioneve te Republikes se Kosoves per shtet te pavarur dhe sovran dhe ne perputhshmeri me vullnetin e qytetareve te Kosoves.

Po ashtu, statusi politik eshte nje ceshtje e perfunduar nje here e pergjithmone dhe integriteti territorial i Republikes se Kosoves ka qene, eshte dhe do te mbetet i pranueshem, i njohur nderkombetarisht dhe natyrisht, i paprekshem,- nenvizoi Thaci.

Ne te njejtin linje eshte shprehur edhe kreu i ekzekutivit shqiptar, ndersa ka specifikuar se cdokush qe kerkon levizjen apo modifikimin e kufijve te Ballkanit do te hapte nje cikel te ri konfliktesh.