Alicka shfaqet pas dhjete vjetesh me prozen e shkurter

Vazhdoj te shkruaj tregim, sadoqe nuk eshte gjini e suksesshme, sepse e ndjej veten me te sigurt, e ndjej veten ne lekuren time, tha dje Ylljet Alicka ne prezantimin Koha e puthjeve ne Teatrin e Metropolit. Vellimi me tregime (Botimet Toena, 2010) vjen dhjete vjet pas librit te fundit me tregime, Kompromisi me 2000 qe i dha Alickes emrin qe gezon sot si nje tregimtar i larte i groteskut.

Perpjekjen per prozen e gjate te cilen ai kurorezoi me romanin Nje rrefenje me nderkombetar 2006, Alicka e quajti dje jo bindese. Duke u shfaqur reflektiv per cfare ka shkruar deri me tani, autori, komentoi se i vetmi roman qe shkroi, vertet shkaktoi debat ne media dhe ne rrethet intelektuale, por kjo ndodhi per problematiken qe trajtonte me shume se sa per cilesite e tij artistike.

I vetedijshem per lidhjet e prozes se tij me autobiografine ai u shpreh se tregimet e vellimit Koha e puthjeve jane pervoja personale te jetuara kryesisht nen regjim.
Edhe elementet autobiografike vazhdoj ti trajtoj per aq kohe sa me bejne te ndihem me i sigurt tha autori.

Me i sigurt se sa te krijoj vete dicka nga e para, duke e cilesuar krijimin, fiction-in, nje stad me te larte te letersise. Eshte po kjo arsyeja qe ai vazhdon te trajtoje ne tregimet e tij temen e se shkuares periudha nen diktature eshte ajo qe njeh me mire.

Te quajturit personazhe te zakonshem ne tregimet e tij paraqesin qofte zhgenjimet e sotme, qofte te djeshme. Alicka pelqen te trajtoje perditshmerine e jetes se individit sepse nepermjet fateve te vecante mund te jape me mire se nepermjet fatit kolektiv, nje epoke.

Koha e puthjeve, ne qarkullim prej dy ditesh, permban 8 tregime Rrefimet e nje poeti, Histori njerezish te zakonte, Busti i udheheqesit, Nje dite ne kocek, Bakiu etj. Vetem tre prej tyre jane krejt te rinj per lexuesin e kesaj proze.

Ylljet Alicka (1951) eshte autor i vellimit Tregime 1996, Kompromisi 2000, Parullat me gure tregime te zgjedhura. Mbi tregimin me kete titull ai shkroi skenarin Slogans ekranizuar nga Gjergj Xhuvani 2001. Alicka rishfaqet skenarist dhe bashkeregjisor per ekranizimin e nje tjeter rrefimi tijin, Kronike provinciale, me 2009.

Proza e tij eshte vleresuar me cmime brenda dhe jashte vendit dhe eshte perkthyer ne frengjisht, italisht, polonisht etj.

Prej vitit 2007 ai eshte i ngarkuari me sherbim diplomatik per Shqiperine ne France dhe UNESCO.