Gjithsesi mbetet ende e paqarte perse grabitesit nuk moren asgje ne lokalin ku hyne dhe as nuk u vodhen gje emigranteve

Policia greke dyshon se mund te behet fjale per grabites.

Policia greke po kerkon kater persona, autore te ngjarjes se ndodhur pak minuta pasi hyri dita e diel, ku mbeten te plagosur tre shqiptare.

Skena te perendimit te eger e ka cilesuar nje nga mediet kryesore greke ngjarjen e ndodhur ne nje lokal ne Greqi, nderkohe qe thekson se rreth 100 persona, shumica me shtetesi shqiptare kane qene viktima te te shtenave nga persona te armatosur me kallashnikove dhe te maskuar. Sipas Ta Nea-s, sulmuesit hyne ne lokalin ku ndalonin zakonisht autobuset interurban dhe qelluan me arme.

Si rrjedhoje, dy te rinj u plagosen. Me pas ata u larguan pa grabitur lokalin apo klientet e tij. Gjithsesi, teksa largoheshin ata kane vijuar te qellojne duke plagosur seriozisht nje 66-vjecare e cila ndodhej ne autobusin e parkuar para lokalit.

Nderkohe, sipas BBC-se policia greke po vazhdon kerkimin e autoreve te ngjarjes se te dieles, kur persona me maska hapen zjarr ne nje restorant ku ndosheshin dhjetera emigrante shqiptare, qe udhetonin per ne Shqiperi. Me shume se 24 ore pas ngjarjes, operacioni i madh i policise lokale nuk ka dhene ende asnje rezultat.

Mesohet se policia kerkon kater persona, te cilet mesyne ne nje lokal ne qytetin bregdetar Amfilokia, buze rruges nacionale Patra-Janine. Sipas BBC-se, kater persona me maska ne fytyre dhe automatike ne duar, u futen ne lokal dhe u thirren njerezve te shtriheshin pertoke, ndersa nisen te shtien ne ajer.

Nga rikoshetat e plumbave, dy emigrante, nje djale 15 vjec dhe nje 28-vjecar, u plagosen lehte.
Sipas deshmitareve okulare, te cituar nga policia, pasoi nje panik i pergjithshem, shume prej njerezve renden te fshiheshin ne banjat e lokalit, te tjere dolen jashte duke thyer xhamat e vitrinave.

Per arsye qe mbeten ende te paqarta, edhe kater personat me maska dolen nga lokali, duke qelluar perseri mbi autobuset qe ndodheshin te parkuar. Nga plumbat e tyre u plagos rende nje grua 66 vjece, gjithashtu emigrante shqiptare.

Ajo u dergua urgjentisht ne spitalin e Agrinios, ku iu nenshtrua nje nderhyrjeje kirurgjikale dhe tani po kurohet jashte rrezikut per jeten. Amfilokia eshte nje nga pikat e zakonshme te ndalimit te autobusave qe shkojne per ne Shqiperi, me te cilet nuk kishte ndodhur me pare ndonje ngjarje e ngjashme. Pronaret e autobusave i thane policise se ata nuk kishin asnje sinjal apo kercenim paraprak.

Sulm per grabitje

Policia vlereson se grupi i keqberesve kishte hyre me qellim tiu grabiste parate dhe sende te tjera te cmuara emigranteve shqiptare. Vlereson gjithashtu se autoret jane te njejtet persona qe pak dite me pare ne te njejten zone, kishin grabitur nje punonjes poste, duke i marre 40 mije euro, para te destinuara per pagesen e pensioneve banoreve te zones.

Ngjarja nuk duket se ka ndikuar ne perzgjedhjen e emigranteve shqiptare qe te perdorin linjat e autobuseve, qe perbejne mjetet me te lira, per udhetimet e tyre ne Shqiperi.

Gjate mbremjes se djeshme, fluksi ne rritje i emigranteve qe nisen drejt atdheut, ka qene normal, thane drejtues te agjencive te udhetareve, qe funksionojne ne kryeqytetin grek.

Ambasada shqiptare ne Athine ka kerkuar prej autoriteteve greke qe te bejne ceshte e mundur per zbulimin e autoreve si dhe per te garantuar sigurine e udhetareve qe udhetojne ne rrjetin rrugor grek e shkojne ne Shqiperi. (Marre nga BBC dhe Ta Nea)