Nje prej franceskaneve te vjeter, nxenes i Anton Harapit e Mati Prenushit

SHKODER / Eshte ndare nga jeta At Ambroz Martini, nje prej franceskaneve te vjeter qe kane punuat gjate gjithe jetes me perkushtim per tiu sherbyer jo vetem besimtareve katolike, por edhe ruajtjes dhe perhapjes se vlerave te kultures shqiptare.

I lindur ne Theth me 2.12.1928, At Ambroz Martini do te hynte ne urdhrin e sherbimit fetar qe me 1938 ne kolegjin franceskan. Ne formimin e tij ndikuan figura te njohura te fanceskaneve Pater Anton Harapi, At Antonin Fishta, At Mati Prenushi, At Agostin Ashiku.etj. Ne vitin 1946 u largua me force nga Kuvendi Franceskan nga komunistet dhe me pas u dergua po me force ushtar ne Tirane.

Me 26.07.1948, u arratis me Lin Deline ne Mal te Zi. Nga viti 1949-1951 ndoqi studimet ne universitetin e Arteve te Bukura ne Herceg Novi. U emerua mesues ne Shen Vladimir (afer Ulqinit). Me 1952 arrestohet sepse shkonte ne kishe per te marre pjese ne Meshen e Shenjte.

Kjo sjellje ishte krim kunder nje shteti qe i jepte rrogen "per me kene te pa Zot". Per gjashte muaj e kane derguar ne Plevlien e Sanxhakut, pika ku takohen Bosnje- Hercegovina, Serbia e Mali i Zi. Ketu ka ndenjur i internuar bashke me 64 burra e gra shqiptare te konsideruar armiq.

Ne dhjetor te atij viti me te dale prej burgut shkon ne Peje, Vitomiric me At Daniel Gjecajn dhe meshtare te tjere .Ne 1953 niset per ne Universitetin e Beogradit per te studiuar "Gjuhet Klasike" (greqisht e latinisht), ku kane qene edhe studente te tjere shqiptare si Martin Camaj, Dom Zef Oroshi, At Bernard Sarreqi.

Ne fillim te vitit 1955 At Ambrozi shkon ne Rome. Mbas dhjete vitesh vishet perseri franceskan dhe fillon Teologjine ne Fiezole te Firences. Me privilegj special per shkak te moshes, shugurohet meshtar. Mbaron vitin e peste te Teologjise ne Oservanca te Sienes dhe regjistrohet ne Firence ne Universitet per te vazhduar "Gjuhet Klasike". Ushtron meshtarine ne Rome, San Francisko, Bruksel ku jetoi 25 vjet.

Ne vitin 1983 behet nenshtetas belg. Kthehet ne Shqiperi per here te pare mbas nje kohe te gjate per shugurimin ipeshkvnor te kater meshtareve me 25 prill 1993, per te qendruar perfundimisht ne Provincen Franceskane Shqiptare te Zojes Nunciate.

Per gjashte vjet, deri me 2006 jetoi ne kuvendin e Zojes Rruzre tek Arra e Madhe ku ka dhene ndihmen e tij si rrefyes. Dhe nga viti 2006 deri sa vdiq ka jetuar ne kuvendin e Shen Franceskut ne Gjuhadol.

At Ambroz Martini vdiq me daten 04.02.2010 ne oren 02:20, ne Shkoder. Ai ishte i fundit prej eterve franceskane te formuar qe ne fillimet e shekullit te kaluar si AtZef Pllumi, Dionis Maka, Konrrad Gjolaj etj. Dhe prane tyre do te prehet, tek kisha e Arres se Madhe. Ceremonia behet te shtunen ora 10 ne kishen franceskane.