Tensionohet situata, deputetet socialiste ndalojne protestuesit nga veriu qe te konfrontohen me forcat e policise

TIRANE- Protesta e djeshme e opozites ne kryeqytet ka qene me e tensionuar se sa heret e tjera. Forca te policise dhe protestuesit e ardhur nga Shkodra, Malesia e Madhe, Puka, dhe Lezha Laci e Mirdita jane detyruar dy here qe te konfrontohen fizikisht, nje here tek stacioni i trenit dhe nje here tjeter prane ish-hotel Dajtit.

Ne te dyja rastet kane nderhyre deputetet e PS-se, te cilet kane arritur qe te qetesojne situaten per te parandaluar ndonje veprim dhune nga te dyja palet. Ata jane vendosur mes protestuesve dhe policise per te mos lejuar perkeqesimin e situates.

Protesta nisi qe tek stacioni i trenit, ku kane mberritur autobuset me simpatizante dhe perkrahesit e opozites nga disa prej qyteteve veriore te Shqiperise. Marshimi-proteste nisi ne oren 17 00, si zakonisht, kur turma e protestuesve te mberritur nga Shkodra, Malesia e Madhe, Puka, dhe Lezha Laci e Mirdita iu drejtua qendres se kryeqytetit, per tiu bashkuar nje mase tjeter njerezish qe perkrah protestuesit ne qender te Tiranes, ne bulevardin Deshmoret e Kombit, perballe selise se qeverise. Rrjedha e protestuesve, nisi te rreshqase pergjate bulevardit Zogu i Pare, ku shume qytetare dhe kureshtare iu bashkuan protestes, se nisur prane stacionit te trenit.

Nderkaq forca te shumta te policise se kryeqytetit, kane ndjekur protesten e dites se djeshme ne krahet e bulevardit dhe ne menyre te vazhdueshme kane larguar mjetet qe ndodheshin ne qender te rruges me qellim qe te mos kishte ndonje perplasje me protestuesit.

Pas me teper se dhjete minuta rrugetim ne kembe masa e protestuesve mberriti prane Muzeut Historik Kombetar, ku masa e protestuesve ndaloi per nje moment dhe shume prej tyre u ulen ne rruge duke qendruar. Pas ketij momenti turma mori rrugen ne drejtim te bulevardit te kryeqytetit. Turma drejtohej nga deputetet Tome Doshi, Alfred Dalipi, Erion Brace dhe perfaqesues vendore te PS-se ne keto rrethe.

Me pas protestuesit mberriten perballe parlamentit, ku per me teper se gjysme ore ata bllokuan rrugen aty e cila ushtonte me thirrjet per hapjen e kutive, largimin e qeverise dhe largimin e kryeministrit Berisha.

Protestuesit perpara parlamentit udhehiqeshin nga deputetet e Partise Socialiste si Namik Dokle e Ilir Gjoni. Ata protestonin duke mbajtur ne duar slogane, qe stigmatizonin maxhorancen qeverisese dhe duke i kerkuar asaj ne te njejten kohe, qe te hape kutite e votimit, si rruge per zgjidhjen e krizes politike. Protestuesit jane ulur ne sheshin perballe parlamentit per te treguar se nuk do te terhiqen pa arritur qellimin e tyre, transparencen e zgjedhjeve.

Me pas te gjithe protestuesit pershkruan hapesiren perpara Parlamentit e me pas me pas vijuan per ne bulevardin Deshmoret e Kombit, ku jane vendosur ne greve urie prej shtate ditesh 20 deputete dhe 180 protestues te majte. Protesta e opozites para Kuvendit beri qe edhe seanca plenare te nise nje ore me vonese ndryshe nga sa mblidhet zakonisht. Sot pritet protesta e radhes ne Tirane ku do te marrin pjese, pervec kryeqytetasve, edhe qytetaret e ardhur nga qarku i Fierit.