FUSHE-KRUJE/ Gjate se henes, 6 automjete jane perfshire ne aksidente, teksa 10 vete kane mbetur te lenduar
Superstrada Fushe-Kruje - Lezhe eshte kthyer edhe diten e hene ne nje vend lajmesh sensasionale me shume karambole dhe shume te plagosur.
Sipas te dhenave, keto aksidente kane ndodhur te gjitha ne harkun kohor te paradites dhe kane pasur nje bilanc te madh te plagosurish mes te cileve eshte plagosur rende babai i deputetes se Partise Demokratike, Pavlina Hoti, Gjergj Hoti se bashku me 3 murgesha te kishes se Mamurrasit qe po udhetonin ne ate kohe ne mjetin e tij.
Bilanci i mjeteve te perfshira ne keto aksidente ka qene gjashte automjete dhe nje motor me dhjete te plagosur.
Mesohet se kjo ka bere qe qarkullimi rrugor te nderpritet per kater ore, edhe pse policia ka nderhyre shume shpejt, por situata ka qene tejet e renduar gje qe ka bere te pamundur zhbllokimin e shpejte te qarkullimit.
Sipas burimeve zyrtare te policise, aksidenti i pare ndodhi rreth ores 6 30 te mengjesit ku nje mjet i tipit volksvagen me targa angleze duke qene me shpejtesi dhe duke bere nje parakalim te gabuar ka perfunduar ne nje kanal anesor te mbuluar me ferra.
Ekspertet kane konstatuar se kur mjeti ka qene ne momentet e parakalimit atij i jane hapur dyert qe nuk ishin te siguruara me pare, duke bere qe tre personat qe ndodheshin ne kete automjet te lendoheshin, edhe pse fatmiresisht pa pasoja per jeten.
Duke ndjekur me pas ritmin e aksidenteve te ndodhura ne kete aks rrugor te mbingarkuar me mjete, mesohet se aksidenti tjeter ka ndodhur ne oren 09 15, ne afersi te fshatit Gushe-Mamurras, ku nje drejtues i nje motori ka humbur kontrollin nga terreni i lagur ne nje segmet rrugor ne rikonstruksion dhe per pasoje eshte plagosur rende.
Policia ka mberritur ne vendin e aksidetit, por eshte detyruar te prese gjate grupin e eksperteve, pasi nje tjeter aksident ka ndodhur ne Skuraj. Tre makina jane perplasur ne afersi te fshatit Skuraj te Kurbinit.
Dy kamioncina, njera me targa te Tiranes dhe tjetra me targa te huaja, jane perplasur me nje furgon mallrash, duke shtuar bilancin me dy te plagosur te tjere. Ndersa me pas nje tjeter aksident i rende eshte konstatuar ne aksin rrugor qe kalon neper fshatin Luz ne afersi te qytetit te Fushe-Krujes.
Ngjarja ka ndodhur rreth ores 10 10 kur dy automjete, nje trajler dhe nje fuoristrade, qe udhetonin ne kahe te kunderta me njeri - tjetrin, jane perplasur mes tyre, ndersa ishin me shpejtesi tej normave te lejuara.
Drejtuesi i automjetit fuoristrade dhe 3 pasagjeret qe ishin me te kane mbetur te plagosur rende dhe jane derguar me urgjence drejt spitalit ushtarak te Tiranes ku gjendja e tyre shendetesore, sipas te dhenave te para, shfaqet ne gjendje kritike.
Burime jopolicore konfirmojne se mjeti fuoristrade i tipit Land Rover eshte perplasur duke shkaktuar edhe plagosjen rende te Gjergj Hotit, drejtuesit te saj, si dhe tre murgeshave te kishes se Mamurrasit, te cilat sapo ishin kthyer nga Italia dhe po udhetonin per ne Mamurras. Gjergj Hoti eshte babai i deputetes se Partise Demokratike per Kurbinin, Pavlina Hoti.
' 
