LUSHNJE - Dy aksidente te renda automobilistike kane ndodhur brenda 24 oreve ne Lushnje.

Mbremjen e se enjtes, rreth ores 21 00, ne lagjen Skender Libohova Lushnje, ne nje rruge dytesore nje mjet tip Fuoristrade me targa te huaja B502X me drejtues shtetasin Rafael S., ka aksidentuar shtetasen M.P, 83 vjece, banuese ne Lushnje.

Drejtuesi i mjetit eshte larguar nga vendngjarja. Sipas policise, e aksidentuara levizte si kembesore. 83-vjecarja eshte cuar me urgjence ne spitalin e Lushnjes. Me gjithe ndihmen mjekesore te dhene ne spitalin e Lushnjes, kjo shtetase rreth ores 01 00 ka gjetur vdekjen.

E ndersa drejtuesi i mjetit u shpall ne kerkim, nje aksident tjeter eshte njoftuar ne oret e para te mengjesit te se premtes ne rrugen automobilistike Fier-Lushnje, ne vendin e quajtur Pushimi i Shoferit. Sipas policise rrugore, aksidenti eshte shkaktuar nga nje mjet tip Benz me targa GJ 8391 A. Mjeti i drejtuar nga Spiro Gj. 46 vjec, po levizte drejt Tiranes, ndersa ka dale nga rruga dhe ka rene ne nje kanal me uje.

Si pasoje, drejtuesi ka gjetur vdekjen. Ne automjet kane qene edhe tre shtetas te tjere te cilet jane jashte rrezikut per jeten. Shkak per aksidentin dyshohet te kete qene shpejtesia tej normave te lejuara.