TIRANE- Banka e Shqiperise pritet te ndermarre nje veprim te drejtperdrejte ne politiken monetare te vendit duke ulur normen baze te interesit.

Ky eshte nje skenar qe pritet te behet realitet sot gjate mbledhjes se radhes se Keshillit Mbikeqyres te BSH-se, i cili eshte edhe organi pergjegjes per ndryshimin e normes baze te interesit. Anetare te ketij keshilli konfirmojne per gazeten rishikimin e normes baze te interesit gjate mbledhjes se sotme, por nuk behet fjale me se ne cfare mase do te ulet ajo.

Ndermarrja e kesaj nisme ishte kerkuar disa jave me pare nga Ministri i Financave, Ridvan Bode gjate nje konference per shtyp. Kerkeses se Bodes perseri ne nje dalje publike i eshte pergjigjur Guvernatori i Bankes se Shqiperise Ardian Fullani, duke kerkuar paraprakisht nga qeveria uljen e deficitit buxhetor, ne menyre qe ulja e normes baze te interesit te ishte nje veprim i efektshem.

Sipas eksperteve, ulja e normes baze te interesit ne kushtet e nje borxhi ta larte publik mund te perkthehet edhe ne rritje te inflacionit. Kjo ishte edhe arsyeja se perse Banka e Shqiperise i kerkoi fillimisht qeverise stabilizimin e treguesve fiskale ne menyre qe kjo e fundit te pasonte me politikat monetare. Duket se kjo ishte edhe marreveshja midis paleve per te ulur normen baze te interesit.

Me ndryshimet e miratuara se fundmi ne buxhet, qeveria parashikon te shkurtoje deri ne 3.1 per qind deficitin buxhetor duke ulur presionin e sektorit publik mbi bankat e nivelit te dyte, tashme i mbetet Bankes se Shqiperise te permbushe pjesen e dyte te marreveshjes me vendimin qe pritet te merret sot.

Pritet nje ulje minimalisht me 0.5 per qind te normes baze te interesit duke e zbritur ate nga 5.75 per qind qe eshte tani, ne 5.25 per qind. Nderkaq, gjate mbledhjes se sotme nuk perjashtohet edhe nje ulje disi me e madhe deri ne 0.75 per qind, duke e zbritur normen baze te interesit ne 5 per qind.

Borxhi publik

Krahas deficitit, nje arsye teper e forte qe pritet te coje Keshillin Mbikeqyres te Bankes se Shqiperise ne marrjen e vendimit per uljen e normes baze te interesit ka te beje me borxhin publik.

Lehtesimi i politikave monetare perkthehet drejtperdrejt ne ulje te kostos se borxhit publik. Ky eshte nje veprim ne kohen e duhur per qeverine kur niveli prej 59.5 per qind i borxhit publik eshte pare me shqetesim nga organizma nderkombetare si dhe eksperte vendas.

Ulja e normes baze te interesit behet edhe me e domosdoshme nisur edhe nga fakti se pjesen derrmuese te borxhit publik e perben borxhi i brendshem. Sipas te dhenave zyrtare te Ministrise se Financave, deri ne fund te muajit qershor, stoku i borxhit te brendshem arriti ne rreth 416 miliarde leke.

Banka e Shqiperise nuk nderhynte ne normen baze te interesit qe prej janarit te vitit te shkuar, kur ndermori uljen me 0.5 per qind te saj duke e zbritur ne 5.75 per qind. Prej nje viti e gjysme norma e interesit ka qene e pandryshuar, ndersa ulja e fillimvitit te shkuar vinte per shkak te zhvillimeve nga kriza ekonomike globale. Atehere, Banka e Shqiperise synonte te rriste kreditimin dhe qarkullimin e parase ne treg si nje kundermase ndaj krizes.