Pas korrespondences disaditore me Prefektin, Bashkia e Tiranes zgjedh rrugen ligjore per zgjidhjen e situates

Kallezimi i Bashkise, Prefekti i Tiranes po kapercen kompetencat qe i ka vetem pushteti qendror

Pas shume replikash dhe shkresash zyrtare te shkembyera mes Bashkise se Tiranes dhe institucionit te Prefektit, Bashkia ka vendosur qe sot te depozitoje nje kallezim penal ne prokurorine e Tiranes ne emer te Prefektit Keltis Kruja.

Prej disa ditesh, Bashkia me e madhe ne vend ka pasur nje korrespondence te ngjeshur me Prefektin, si dhe nje lufte akuzash publike, te cilat nuk kane cuar ne zgjidhje te situates. Perpara ketij fakti, Bashkia e Tiranes ka vendosur qe zgjidhjen ta lere ne dore te gjyqesorit, duke depozituar sot kallezimin penal.

Ne kete kallezim, zyra juridike e Bashkise se Tiranes ka bere nje permbledhje te plote te korrespondences me Prefektin, si dhe ka argumentuar arsyet se perse Bashkia nuk mund ti cele fondin e kerkuar.

Fillimisht ne kallezimin e Bashkise thuhet se prane ketij institucioni eshte depozituar zyrtarisht nga Prefekti programi tematik i auditimit me nr. prot. 1299, date 05.05.2010-te, me ane te te cilit kerkohej te kryhej auditimi i brendshem per fondin e vecante te vitit 2009-te.

Duke qene se ndodheshim para nje kerkese teresisht te pambeshtetur ne ligj me shkresen nr. prot. 3826/1, date 11.05.2010-te, Bashkia e Tiranes nuk pranoi te plotesoje kete kerkese te Prefektit te Qarkut Tirane, thuhet ne deklaraten e Bashkise.

Kjo argumentohet me faktin se auditimi per fondin e vecante i kerkuar nga Prefekti i Qarkut Tirane eshte ne kapercim te kompetencave qe burojne nga kuadri ligjor ne fuqi ne Republiken e Shqiperise, duke ardhur ne kundershtim te plote me dispozitat e legjislacionit per kontrollin e jashtem te njesive vendore.

Si i tille, sipas Bashkise, dokumenti i miratuar nga ana e Prefektit (i cilesuar si Program - Auditimi), ishte i papranueshem, sepse eshte teresisht i pambeshtetur ne ligj. Ndaj edhe Bashkia e Tiranes refuzoi te auditohet nga ana e Prefektit te Qarkut Tirane per fondin e vecante, duke i komunikuar zyrtarisht me shkresen e siperpermendur, se nuk do te njohe asnje grup pune te ngritur per kete qellim.

Me tej, korrespondenca mes dy institucioneve vazhdon me nje kerkese te Prefektit, i cili dergon ne rruge zyrtare shkresen nr. prot. 1299/2, date 14.06.2010-te, duke ia nisur per dijeni edhe Kryeministrit, Ministrit te Financave dhe Ministrit te Brendshem. Prefekti, thuhet ne kallezimin e Bashksie, insiston per te kryer auditim ne Bashkine e Tiranes per fondin e vecante, duke cituar nderkohe dispozitat ligjore mbi kontrollin, duke konkluduar ne menyre absurde se ka te drejte te ushtroje kete auditim.

Me date 22.06.2010-te, prefekti Keltis Kruja dha nje deklarate per shtyp, sipas te ciles, Kryetari i Bashkise se Tiranes akuzohet se ka refuzuar te kryhet audit i brendshem nga prefektura, kerkuar me urdher te Ministrit te Financave, per perdorimin e fondit te vecante gjate vitit 2009-te, duke shtuar I bej thirrje kryetarit te Bashkise te ndahet nga praktikat private, me te cilat administron Bashkine e Tiranes dhe ta drejtoje kete bashki ne respekt dhe perputhje te plote me ligjin.

Ne te njejten dite, zyrtarisht me shkresen nr. prot. 1764, date 22.06.2010-te, Kerkese per ngrirjen e fondeve te akorduara nga buxheti i shtetit per Bashkine e Tiranes, Prefekti i drejtohet Kryeministrit dhe Ministrit te Financave, duke i kerkuar pa asnje mbeshtetje ligjore, ngrirjen per nje kohe te pacaktuar te fondeve te akorduara nga buxheti i shtetit per Bashkine e Tiranes, deri sa ky institucion te pranoje auditimin nga Prefekti i Qarkut Tirane.

Por, sipas Bashkise, qendrimi zyrtar i Prefektit, eshte ne kundershtim te hapur me ligjin dhe ne kapercim te kompetencave te tij, rrjedhimisht edhe deklarata publike leshuar nga z. Kruja para mediave, eshte krejtesisht e pavertete dhe veprimet e tij jane kryer plotesisht ne kushtet e shperdorimit te detyres dhe ne kundershtim flagrant me dispozitat e kuadrit ligjor ne fuqi. Sipas padise, prefekti po kapercen kompetencat e pushtetit qendror.