Kryeministri i Kosoves, Hashim Thaçi, ka bere te ditur dje se te dielen Kosoven do ta vizitoje ish-presidenti amerikan, Bill Klinton. Kete njoftim Thaçi e beri ne mbledhjen e qeverise, nderkohe qe ftoi popullin e Kosoves te dale dhe t‘i beje nje pritje madheshtore mikut te madh te Kosoves.
Klinton vjen te dielen per te marre pjese ne inaugurimin e shtatores se tij, e cila do te zbulohet ne sheshin qe mban emrin e ish-presidentit amerikan - per nder te kontributit qe ai ka dhene per çlirimin e Kosoves.
Statuja do te jete 3.4 metra e larte dhe peshon 900 kg. Agim Rexhepi, kreu i shoqates Miqte e SHBA, te Kosoves, tha se ideja per statujen u iniciua nga skulptori Izeir Mustafa dhe u financua nga nje banke komerciale. Statuja eshte e dredhur ne bronz.
Statuja ishte parashikuar te zbulohej jave me pare, por pasi ish-presidenti konfirmoi prezencen ne zbulimin e saj ne Prishtine, atehere zyrtaret vendosen qe zyrtarisht statuja te zbulohej me 1 nentor ne sheshin "Bill Klinton".