Aplikohet edhe miratimi ne heshtje. QKL eshte e detyruar te ktheje pergjigje 2-4 dite nga kerkesa

TIRANË- Qendra Kombetare e Licencimit, nisi dje punen duke i bere te mundur bizneseve qe te marrin, lejet, licencat apo autorizimet, vetem nga zyrat e saj, pa u sorrollatur ne institucione te tjera.

Te pranishem ne ceremonine e inagurimit ishin, Kryeministri, Sali Berisha, ministri i Ekonomise, Genc Ruli si dhe Drejtoresha e USAID-it ne Shqiperi, Roberta Mahoney.

Kryeministri Berisha i vleresoi projektet e realizuara deri tani, ne kuadrin e pragut te Mijevjeçarit, si projekte shume te rendesishme, te cilat kane transformuar teresisht praktikat e meparshme, kane shkurtuar kohen, thjeshtuar burokracite e si rrjedhim kane rritur transparencen.

"Ne kuadrin Pragut te Mijevjeçari, ne Shqiperi kane marre jete disa projekte qe kane transformuar teresisht praktikat e meparshme, siç jane taksa elektronike, regjistri elektronik i biznesit, prokurimi elektronik",- tha ai.

Duke e vene theksin ne vete objektivin qe ka ngritja e kesaj zyre, ne luften ndaj korrupsionit, Drejtoresha e USAID-it, e cilesoi ate si kushtin themelor qe duhet te permbushe Shqiperia per te perfituar me pas mbeshtetjen e SHBA-ve. Hapja e QKL-se, eshte bere e mundur me mbeshtetjen e Fazes se dyte te programit Prag te Korporates se Sfides se Mijevjeçarit ne Shqiperi.

Kjo marreveshje dyvjeçare me vlere rreth 16 milione dollare ndermjet Shqiperise dhe Shteteve te Bashkuara, e financuar nga Korporata e Sfides se Mijevjeçarit dhe administruar nga USAID-i, ka si synim te forcoje shtetin ligjor, te reduktoje korrupsionin dhe te rrise mbikeqyrjen nga publiku, permes zgjidhjeve te teknologjise se informacionit dhe ndihmes teknike, duke permiresuar ne kete menyre, klimen ndaj biznesit, ne Shqiperi.

Funksionimi

Qendra Kombetare e Licenasve, e cila do te funksonoje ne filozofi ne menyre te ngjashme me Qendren Kombetare te Regjistrimit te Bizneseve. Personat e interesuar do te dorezojne dokumentet e kerkuara per te marre leje dhe licensa, te cilat variojne nga ushtrimi i te drejtes per prodhim udhqimesh, armesh, hapjen e nje universiteti deri te shfrytqezimi i minierave dhe pasurive te tjera kombetare.

Ligji i ri qe hyn ne fuqi muajin e ardhshem parashikon nje element interesant, miratimin e lejes ne heshtje. Qendra Kombetare e Licensimit do te miratoje ose refuzoje aplikimin e çdo personi nga dy deri ne kater dite ne varesi te tipit te kategorise se lejes ose licenes.

Nese brenda ketij afati kohor QKL, ose filialet e saj nuk publikojne vendimin mbi refuzimin ose miratimin e aplikimit, atehere leja ose licensa miratohen ne menyre automatike. Aplikimi per leje mund te behet duke dorezuar dorazi dokumentet ne njerin nga soprtelet e QKL-se, ne menyre elektronike, ose me poste zyrtare.