Stadiumi kombetar, "Qemal Stafa", do te mikprese sot Dinamon, e cila do te perballet me ekipin e Gramozit, debutues ne kategorine superiore. Objektivi i kryeqytetasve do te jete marrja e tri pikeve te radhes dhe per te siguruar shkeputjen e vetme ne krye te Kategorise Superiore. Pas barazimit ne Korçe, blute e Shkelqim Muçes, pretendente per titullin e ketij sezoni, kerkojne me çdo kusht fitoren. Ne radhet e skuadres nga Erseka ndodhet nje trajner me mjaft eksperience, si Agim Canaj, i cili ka drejtuar me pare jo vetem Dinamon, por edhe disa skuadra te tjera te Shqiperise. Gjithsesi, pavaresisht deshires se madhe te Gramozit per te arritur nje sukses ne kryeqytet, dinamovitet jane pergatitur maksimalisht per kete sfide. Behet fjale per nje sfide te lehte ne leter edhe per faktin se Dinamo do te luaje ne shtepi, ne "Qemal Stafa". Dinamos i rikthehen ne dispozicion Gentian Muça dhe Nikolas Del Monte. Ndersa do te mungoje mesfushori Bekim Kuli.
Nje tjeter perballje interesante e kesaj jave do te jete ajo mes Apolonise dhe Flamurtarit. Skuadra fierake e drejtuar nga trajneri serb, Esad Karishik, renditet ne vendin e 3-te me 16 pike ne 8 ndeshje, nderkohe qe Flamurtari i Gugash Maganit ne vendin e fundit (12) me 9 pike me pak, 7. Apolonia, qe ka shfaqur ne kete fillim sezoni nje profil te qarte prej pretendenteje per nje vend ne kompeticionet europiane, nuk ka humbur asnje pike ne kater perballjet shtepiake (kater ndeshje, kater fitore), dhe me kete sfide synon te ruaje vazhdimesine edhe ndaj vlonjateve. Flamurtari nga ana e tij ka marre vetem 3 pike nga 12 te mundshmet ne transferte. Apolonia eshte skuadra me sulmin me te mire ne keto jave: 13 gola, kundrejt 6 golave te shenuar nga Flamurtari. Ne javen e 8-te, Apolonia barazoi me Besen (0-0) ne transferte, ndersa Flamurtari barazoi ne shtepi 1-1 me Shkumbinin. Trajneri Gugash Magani nuk do te kete ne dispozicion gjashte lojtaret e pezulluar nga klubi, perfshire dhe kapitenin Halim Begaj. Fitorja e fundit e Apolonise me Flamurtarin eshte ajo 2-0, me 31 janar 2009, nderkohe qe bilanci historik flet per Flamurtarin, 30 fitore ne 65 ndeshje te luajtura midis tyre. Sfida tjeter do te jete ajo mes Shkumbinit (vendi i 10) e Laçit (9), qe ndodhen ne te njejten kuote pikesh. Neser do te zhvillohen dy ndeshjet e fundit, qe do te mbyllin edhe javen e 9-te, Kastrioti-Besa dhe Teuta-Skenderbeu.
