Hasan Rakipi, 56 vjec, mbeti i vdekur dje ne mbremje pasi u qellua me 6 plumba prane kompleksit te ekipeve kombetare ne Kamez
Ish- atleti ne momentin e vrasjes shoqerohej nga disa zyrtare te FSHF-se qe u moren ne pyetje nga policia
TIRANE- Ekzekutohet me 6 plumba ish- atleti i Dinamos, aktualisht pergatites altetike, Hasan Rakipi, 56 vjec, banues ne rrugen "Haxhi Dalliu". Krimi ndodhi dje rreth ores 18:00, ku trajneri i atletikes u qellua per vdekje se paku gjashte here me pistolete nga persona ende te pa identifikuar para nje lokali prane kompleksit te stervitjes se kombetares se futbollit ne Kamez. Rakipi, banues ne rrugen "Haxhi Dalliu", apo ne lagjen e njohur me emrin Brrake ne Tiranes, u qellua pak momente pasi kishte pire kafene ne nje nga lokalet prane kompleksit sportiv te kombetares sone te futbollit ne Kamez, fare prane shkolles profesionale te "Agrobiznesit". Pas kafes me miqte, atleti la lokalin prane ekipeve kombetare. I shoqeruar nga nje koleg i tij dhe nje zyrtar i Federates Shqiptare te Futbollit jane afruar ne nje lokal afer kompleksit, ndersa ka pire nje kafe me dy persona, punonjes te FSHF-se.
Rakipi ka qendruar disa minuta ne lokal dhe ka dale qe andej duke u afruar prane nje veture te markes "Mercedez- Benz", TR 65 34 N, ndersa po hynte ne krahun e pasagjerit u qellua me arme zjarri, dhe mbeti i vdekur ne vend. Sipas burimeve te Policise se kryeqytetit mesohet se ish- atleti mori plage te renda ne koke dhe nje tjeter ne pjesen e gjoksit duke i shkaktuar atij vdekjen e menjehershme. Autori i krimit qelloi jo me larg se nje meter nga objekti i tij. Pas vrasjes autori i ngjarjes dyshohet se eshte larguar me nje autoveture, qe kaloi nga pjesa e pasme e kompleksit te ekipeve kombetare. Pas ngjarjes, aty mberriten efektive te shumte te uniformave blu, si dhe drejtues te Policise se Tiranes, per te nisur hetimet per zbardhjen e motiveve te ngjarjes se rende.
Trupi i te vrarit qendroi per disa minuta ne vendin, ku u qellua, deri sa oficeret e zyres se vrasjeve dhe ekspertet kriminaliste, nisen keqyrjen e vendit te ngjarjes per te mbledhur sa me teper prova te mundshme. Ekspertet kane marre kampione gjaku te viktimes, ndersa per me teper se gjysme ore ata kane kryer veprime te ndryshme aty. Nderkaq pas krimit, blute shoqeruan nen cilesine e deshmitareve disa persona qe kane qene te pranishem ne lokalin ku ndodhi vrasja si dhe banore qe banonin prane vendit te ngjarjes. Nderkaq grupe te tjere efektivesh, kane kryer disa kontrolle banesash, per disa persona te dyshuar. Ne ambientet e Policise se kryeqytetit jane shoqeruar edhe dy personat qe shoqeronin ish- atletin ne momentet e fundit te jetes, te cilet jane pyetur per aktivitetin e viktimes gjate diteve te fundit. Burimet e rezervuara te Policise se Tiranes pohuan dje se nuk dihej ende motivi i vrasjes e 56- vjecarit nga Brraka e Tiranes, nderkohe qe hetimet jane perqendruar ne pisten e ndonje konflikti te mundshem qe mund te kete pasur viktima kohet e fundit apo probleme te tjera te mundshme. Si autore te krimit dyshohet te kene qene se paku dy persona, por burimet policore pohojne se nuk ka akoma persona te identifikuar si autore te dyshuar te vrasjes se Hasan Rakipit.
'