Ministri Ridvan Bode i eshte drejtuar me nje leter Drejtorise se Pergjithshme te Tatimeve duke i kerkuar sugjerimet e tyre ne lidhje me ndryshimet qe pritet te behen ne ligjin per TVSH-ne

TIRANE- Brenda pak javesh, te gjithe ata qe do te noterizojne nje dokument, blejne nje ilac, bejne nje vizite tek mjeku, marrin konsulencen e nje avokati, etj., faturen do ta paguajne te pakten 20 per qind me shtrenjte. Ministria e Financava ka marre persiper qe te perfshije ne skemen e Tatimit mbi Vleren e Shtuar edhe te profesioneve te lira, si ai i avokatit, farmacistit, inxhinierit, projektuesit, mjekeve qe punojne privatisht, etj.
Propozimi i financave pritet te konkretizohet brenda nje kohe te shkurter duke marre parasysh edhe mungesat e theksuara te te ardhurave ne arken e shtetit.
Ky fakt konfirmohet zyrtarisht edhe prej Ministrise se Financave nga e cila theksohet se qysh prej ditesh se djeshme i jane drejtuar Drejtorise se Pergjithshme te Tatimeve per te marre sugjerimet e saj ne lidhje me ndryshimet qe pritet te behen ne ligj. "Se shpejti do te hyjne ne skemen e Tatimit mbi Vleren e Shtuar edhe bizneset qe jane kategorizuar si profesione te lira. Ministri firmosi dje nje shkrese drejtuar Drejtorise se Pergjithshme te Tatimeve me ane te se ciles i kerkohet qe te sugjerojne ndryshimet qe duhen bere ne ligj. Pas marrjes se propozimeve nga tatimet, ato do te diskutohen ne Keshill te Ministrave", - shprehen nga zyra e shtypit te Ministrise se Financave.
Pas marrjes se sugjerimeve nga Drejtoria e Tatimeve, financat do ti propozojne ato per tu miratuar ne nje nga mbledhjet e ardhshme te Keshillit te Ministrave. Pas qeverise, ndryshimet pritet te kalojne edhe ne Komisionin Paerlamentar te Ekonomise per tu miratuar perfundimisht ne seance plenare. Nuk dihet saktesisht se sa kohe do te duhet qe profesionet e lira te fillojne te paguajne TVSH por praktika ka treguar se ne raste te tilla ndryshimet jane propozuar dhe miratuar ne kohe rekord. Sipas te dhenave paraprake, afati maksimal kur pritet te hyjne ne fuqi ndryshimet ne ligj do te jete muaji qershor i ketij viti.

Me shtrenjtimin e vazhdueshem te cmimeve te mallrave te konsumit, perfshirja ne skemen e TVSH-se edhe te sherbimeve qe ofrohen nga noteret, farmacistet, inxhinieret, etj., do te perkthehej me nje rritje te metejshem te kostos se jeteses per konsumatoret.
Pas perfshirjes ne skemen e TVSH-se, bizneset do te jene te detyruara qe cdo sherbim ndaj qytetarev tia faturojne atyre 20 per qind me shtrenjte. Keshtu, nese deri me tani per noterizimin e nje dokumenti nje qytetar paguante mesatarsisht 400 leke, pas hyrjes ne fuqi te ndryshimeve per te njejtin sherbim atij i duhet te paguaje te pakten 480 leke.
Nderhyrja e pritshme ne ligjin per TVSH-ne eshte e fundit ne radhen e ndryshimeve te kryera ne te. Ne saje te nje vendimi te qeverise, qe nga fillimi i vitit mijera biznese qe realizojne nje xhiro vjetore mbi 5 milione leke jane perfshire ne skemen e Tatimit mbi Vleren e Shtuar.