E vetmja zgjidhje, sipas Ristanit, eshte permiresimi i Kodit Zgjedhor per zgjedhjet e ardhshme lokale

TIRANE - Kryetari i Komisionit Qendror te Zgjedhjeve, Arben Ristani, deklaroi dje se zgjidhja e krizes politike permes ankimit ne Gjykaten Kushtetuese dhe shqyrtimi i fleteve te votimit nga Komisioni i Venecias eshte jashte kuadrit ligjor. Ristani vuri ne dukje se fletet e votimit do te digjen, pasi te jene derguar ne arkivin e shtetit.

I vetmi veprim qe kryhet nga KQZ-ja eshte hapja e kutive te votimit, seleksionimi i dokumentacionit qe ndodhet ne kutine e materialeve zgjedhore, dergimi i tij ne arkivin e shtetit dhe djegia e fleteve te votimit dhe kunderfleteve.

Kjo eshte veprimtaria e percaktuar me ligj brenda se ciles do te veproje KQZ-ja dhe nuk ka asnje mundesi tjeter jashte ketij kuadri ligjor, - tha dje Ristani. Sipas kreut te KQZ-se, kjo eshte procedura qe do ndjeke institucioni qe ai drejton dhe se afati kohor per nje kompromis politik midis forcave politike mbi hapjen ose jo te kutive te votimit nepermjet institucioneve si Gjykata Kushtetuese dhe Komisioni i Venecias, ka mbaruar, ndersa specifikoi se tashme ka mbetur vetem zbatimi i ligjit per djegien e fleteve te votimit.

E vetmja mundesi qe ka qene per tju drejtuar Gjykates Kushtetuese ka qene kerkesa per rinumerimin e votave te caktuara, kerkese e cila u rrezua nga KQZ-ja dhe u la ne fuqi nga Kolegji Zgjedhor. Pas kesaj, ne rast se do te kishte ndonje pretendim per shkelje te te drejtave te njeriut apo shkelje te tjera kushtetuese ekzistonte mundesia e ndjekjes se rruges ne Gjykaten Kushtetuese.

Ne kete moment qe eshte nuk shoh rruge tjeter vecse zbatimit te ligjit dhe zbatimi i ligjit ne kete moment nuk hap horizont per rruge te tilla, - u shpreh ai. Sipas Ristanit, e vetmja marreveshje politike qe mund te arrijne kreret e forcave politike eshte ndryshimi dhe permiresimi i Kodit Zgjedhor per zgjedhjet e ardhshme lokale.