Shoqata "Pronesi me Drejtesi" e cileson si te papranueshme zgjerimin e listes se perfituesve nga perdorimi i letrave me vlere per pagesen e tarifes se legalizimit. Vorpsi: Me vendimet e saj, qeveria po zhvlereson pronat

TIRANE- Pronaret kundershtojne ndryshimet e bera se fundmi nga qeveria ne ligjin e legalizimeve te cilat zgjerojne numrin e perfituesve nga perdorimi i letrave me vlere.

Ata kane qene kunder legalizimeve qe ne fillimin e procesit, ndersa shtojne se nismat e ndermarra se fundmi nga ekzekutivi duke zgjeruar siperfaqen e tokes qe mund te paguhet me letra me vlere do te beje edhe me te pamundur demshperblimin e tyre.

Te indinjuar nga i gjithe procesi, kreret e shoqates "Pronesi me Drejtesi" dolen dje ne nje konference per shtyp ku parashtruan nje sere kerkesash drejtuar qeverise, duke kerkuar qe toka e zene te paguhet me cmimin e tregut dhe jo me bono privatizimi.

Sipas ndryshimeve te miratuara disa dite me pare ne Komisionin e Ekonomise ne lidhje tarifat e truallit te zene nga ndertimet pa leje, pronaret e ndertesave mund te paguajne me letra me vlere gjysmen e shumes per siperfaqe mbi 500 meter katror jashte vijave te verdha dhe deri ne 300 meter katror brenda vijave te verdha.

Nderkohe , per sa i perket siperfaqeve me te vogla, qeveria ka vendosur tarifa fikse duke u dhene perseri mundesine atyre qe jane ne proces legalizimi qe gjysmen e shumes te paguajne me letra me vlere. Kush ka zene nje siperfaqe deri ne 100 m² brenda vijes se verdhe do te paguaje 100 mije leke

Gjate fjales se tij, anetari i Kryesise se shoqates, Myrshit Vorpsi, i quajti te pavend keto ndryshime pasi sipas tij ne kete menyre qeveria eshte duke ulur edhe me dhjete here cmimin e ketyre trojeve.

"Eshte per te ardhur keq qe ne komisionet parlamentare po kalojne amendimet e ligjit te legalizimeve te cilat parashikojne qe pushtuesit e tokave, brenda vijave te verdha te paguajne me letra me vlere 50 per qind te shumes per siperfaqe deri ne 500 m² nderkohe qe ligji ekzistues parashikonte qe kjo menyre pagese do te behej vetem per 300 m² truall.

Kurse jashte vijave te verdha pagesa me letra me vlere eshte per siperfaqe te tokes se zaptuar, pra pa limit nderkohe qe ne ligjin ekzistues kjo nuk parashikohej", - tha Vorpsi.

Sipas ligjit te legalizimeve, cdo person qe ka ndertuar pa leje dhe ka zene nje parcele deri ne 100 meter katror ne total duhet te paguaje 100 mije leke, per siperfaqe deri ne 200 m² 150 mije leke, ata qe kane zene deri ne 300 m² do te paguajne 200 mije leke. Per sa i perket atyre qe kane zene nje parcele deri ne 400 m², tarifa e legalizimit do te jete 300 mije leke, ndersa per parcelat deri ne 500 m², tarifa parashikohet te jete 400 mije leke.

Per sa i perket parcelave me siperfaqe mbi 500 m², ligji edhe ketu lejon perdorimin e letrave me vlere per te shlyer tarifen deri ne 50 per qind te saj, nderkohe qe pjesa tjeter do te paguhet cmim tregu.

Per sa i perket trojeve qe ndodhen brenda vijes se verdhe, per parcelat me siperfaqe nga 100 deri ne 300 meter katror ligji lejon shlyerjen e tarifes se legalizimit gjysmen me bono privatizimi ndersa pjesen tjeter jo sipas cmimeve te tregut por duke vendosur nje tarife standarde.

Per parcela deri ne 100 m² ne zona urbane, tarifa parashikohet te jete 200 mije leke, per parcela deri ne 200 m² tarifa eshte 300 mije leke, ndersa nese ka zene nje parcele deri ne 300 m² ndertuesi duhet te paguaje nje tarife prej 400 mije lekesh.

Kush ka ndertuar ne menyre te jashteligjshme brenda vijave te verdha duke zene nje parcele ndertimore mbi 300 m², gjysmen e tarifes do ta paguaje sipas cmimeve te tregut ndersa gjysmen tjeter duke perdorur letrat me vlere.

Qe prej fillimit te procesit te legalizimeve e deri me tani qeveria ka kaluar disa here vendime ku parashikohet shpronesimi i pronareve per efekt legalizimi me nje siperfaqe mbi 343 mije meter katror dhe me vlere 46 milione euro.

Por pavaresisht kesaj, sipas pronareve, atyre nuk u eshte paguar asnje qirndarke nderkohe qe ligji percakton kompensimin e tyre brenda gjashte muajsh nga marrja e vendimit.

"Pronaret e prekur nga keto vendime duhet te kishin marre parate sipas ligjit nderkohe qe qeveria shqiptare deri me sot nuk ka paguar asnje qindarke", - vijoi Vorpsi.
Kreret e Shoqates "Pronesi me Drejtesi" u bene thirrje te gjithe pronareve qe te vazhdojne t'u drejtohen gjykatave per cdo rast te shkeljes se te drejtes se prones me te cilin ata do te perballen.