LEZHE - Gjate 20 viteve te fundit, ne qarkun e Lezhes perfaqesimi i grave ne politike ne institucionet rajonale apo lokale vazhdon te jete ne shifra teper te uleta pavaresisht deklarates se "gruaja eshte nje force e madhe intelektuale". Konkretisht, nga 7 deputete qe ka qarku i Lezhes ne Parlamentin Shqiptar, vetem 1 eshte femer.

Gjate gjithe ketyre viteve, Keshilli i Qarkut dhe Institucioni i Prefektit te Lezhes vazhdojne te kete ne krye te drejtimit meshkuj. Nderkaq, nga mbi 30 institucione rajonale, vetem 5 prej tyre drejtohen nga femra. Gjithashtu, edhe ne qeverisjen vendore ne qarkun e Lezhes, femra vazhdon te jete e nenperfaqesuar.

Nga zgjedhjet vendore te zhvilluara ne 2007-n ne qarkun e Lezhes, nuk u votebesua asnje femer, cka do te thote se 21 njesi vendore nder vite drejtohen vetem nga meshkuj. Ndersa ne Keshillin Bashkiak te Lezhes nga 25 keshilltare, vetem nje eshte femer. Ne rajonin e Lezhes sektoret ne te cilat femra intelektuale ka gjetur vetveten jane pikerisht arsimi, shendetesia dhe sistemi bankar.

Ndersa ne sektorin privat numri me i larte i femrave te punesuara eshte ne tre stabilimentet e perpunimit te peshkut, si dhe ne dy fabrika kepucesh dhe nje veshmbathjesh, ne sherbimet bar-restorante dhe hoteleri, parukeri, shitese ne dyqane te rrobave, kepuceve, bizhuterive dhe aksesoreve apo dhe ne tregun e lire te veshmbathjeve dhe fruta-perimeve. Mundesite e punesimit te femrave ne Lezhe jane te pakta, ndaj pjesa me dermuese e tyre vazhdojne te jene vetem ne rolin e shtepiakeve.