Negociatat pritet te jene teknike. Do te diskutohet per metodologjine e hapjes se kutive te materialeve zgjedhore dhe fletet

TIRANE - Tryeza e Strasburgut do te vijoje edhe ne Tirane. Natyrisht, nuk behet me fjale per nje perfaqesim aq te larte si ne Strasburg, por per nje nivel teknicienesh, te cilet, ne prani edhe te perfaqesuesve te BE-se, do te diskutojne per metodologjine e hapjes se kutive te materialeve zgjedhore, si dhe per qasjen e qendrimeve per ceshtjen e kutive te fleteve te votimit. Per kete qellim, ne fillim te javes se ardhshme, pritet te vije ne Tirane nje ekspert i institucioneve te Bashkimit Europian, i cili se bashku me perfaqesues te tjere nderkombetare qe jane ne vendin tone do te negociojne gjetjen e nje zgjidhje perfundimtare mes te dyja paleve, lidhur me kerkesat e opozites per transparencen zgjedhore.

Data e mberritjes se tij ne Shqiperi nuk behet e ditur ende, megjithese burime prane PS-se kane bere te ditur se ai do te vije shume shpejt dhe se negociatat do te rinisin pikerisht ne pranine e tij. Ajo qe konfirmohet eshte se tryeza e bisedimeve kesaj radhe do te jete e perbere nga teknicien te te dyja partive kryesore, te cilat se pari do te diskutojne mbi procedurat qe do te ndiqen per hapjen e kutive te materialeve zgjedhore dhe me pas nese do te behet e mundur ose jo hapja e kutive te fleteve te votimit. Per te dyja keto pika, palet ne konflikt kane qendrime te ndryshme.

Keshtu, demokratet bien dakord me idene e socialisteve per te hapur kutite e materialeve zgjedhore, por, sic edhe deklaroi dje kryeministri Berisha, kjo mund te behet vetem pasi ato sipas ligjit te arkivohen ne Arkivin Qendror te Shtetit. Nje rruge e tille nuk pranohet nga socialistet, te cilet vleresojne se nje komision hetimor parlamentar nuk e ka te nevojshme qe per te pare dokumentet te prese kohen e maturimit te dokumentacionit dhe arkivimit te tij ne AQSH. Sipas tyre, materialet zgjedhore duhet te hapen menjehere sapo komisioni hetimor parlamentar te beje kerkesen per tju vene ne dispozicion materiali zgjedhor.

Ndersa per kete ceshtje, palet kane rene parimisht dakord dhe zgjidhja per te mund te jete me e lehte, ato gjenden shume larg per sa i perket pikes se dyte, asaj te fleteve te votimit. Kete e ka konfirmuar dje edhe kreu socialist, Edi Rama, i cili theksoi se per hir te se vertetes palet ne kete pike gjenden shume larg. Megjithate, kjo mbetet nje pike qe do te ndikoje direkt ne gjetjen e konsensusit per menyren e hapje se kutive te materialeve zgjedhore, cka per socialistet do te ishte e mjaftueshme per te verifikuar shkeljet e bera gjate zgjedhjeve te shkuara. Ne kete sens, palet mund te bejne leshime, njera duke hequr dore nga varianti i marrjes se materialeve zgjedhore nga AQSH dhe tjetra duke hequr dore nga fletet e votimit. Megjithate, cdo gje tashme duket se do te jete ne dore te tryezes se eksperteve, pavaresisht se nuk perjashtohet edhe nje tryeze tjeter e nje rangu te larte politik.