Kuvendi miratoi draftin per skafet. Ndalohen me ligj per tre vjet mjetet motorike ne bregdetin shqiptar

TIRANE - Ligji per Moratoriumin e Skafeve do te privoje per tre vitet e ardhshme te gjithe shqiptaret dhe fqinjet e tyre qe perdorin mjete lundruese dhe mjete te tjera motorike pergjate bregdetit shqiptar.

Kuvendi i dha dje jete ligjit "Per shpalljen e Moratoriumit per mjetet motorike lundruese te Republikes se Shqiperise" vetem me votat e mazhorances, ku 72 votuan pro, asnje vote kunder dhe asnje vote abstenim.

Deputetet nuk moren parasysh nje prej amendimeve, pikerisht ajo qe lidhej me perjashtimin e varkave me vela, nderkohe qe kane miratuar perjashtimin nga ky ligj te motoreve te ujit.

Ligji per Moratoriumin e skafeve, i cili eshte kontestuar shpeshhere nga biznesmene, qytetare, e posedues te te ketyre mjeteve, ka marre miratimin e Parlamentit pas propozimit te qeverise shqiptare.

Zgjatja e afateve te ketij moratoriumi eshte cilesuar nga qeveria shqiptare si nje domosdoshmeri, qe do te beje te mundur luftimin me efikasitet te trafiqeve te klandestineve dhe te lendeve narkotike qe tentohen te transportohen nepermjet deteve shqiptare.

Megjithese ky ligj eshte konsideruar shpeshhere si nje mase qe bie teresisht ne kundershtim me lirite dhe te drejtat themelore te njeriut, duke diskriminuar shtetasit shqiptare ne raport me shtetasit e vendeve te tjera, te cilet nuk privohen nga nje ligj i tille, ai tashme do te filloje te zbatohet duke privuar vecanerisht pushuesit shqiptare e te huaj gjate pushimeve verore ne vendin tone.

Ky ligj eshte kontestuar edhe nga grupet e interesit, bashkite e qyteteve bregdetare te cilat e shohin si nje mase qe prek te drejten e funksionimit te bizneseve te tyre.

Ne kete menyre, ky moratorium ashtu sic ka deklaruar edhe Kryeministri Sali Berisha do te vazhdoje te qendroje ne fuqi deri sa mazhoranca aktuale te jete ne pushtet. Nga ky moratorium do te perjashtohen vetem mjetet lundruese qe jane ne perdorim te organeve shteterore dhe atyre portuale.

Gjithashtu, nuk do te jene pjese e ketij moratoriumi edhe mjetet, te cilat jane te destinuara per peshkim, per transportin e mallrave, si dhe transportin detar.