Me ne fund eshte arritur te sheshohen problemet qe çuan ne nje konflikt te hapur mes Ministrise se Turizmit, Kultures, Rinise dhe Sporteve dhe Komitetit Olimpik Kombetar Shqiptar. Por nje gje e tille u konkretizua pikerisht dje, fale ndermjetesimit te Komitetit Olimpik Nderkombetar (IOC), qe ishte njekohesisht edhe organizatori i ketij takimi. Lajmi eshte bere i njohur dje nga zyra e shtypit e institucionit me te larte qeveritar per sportin. Me ftese te presidentit te Komitetit Olimpik Nderkombetar, Zhak Rozhe, ministri shqiptar i Sporteve, Ferdinand Xhaferri, zhvilloi dje nje takim pune ne mjediset e selise se ketij komiteti, ne Lozane te Zvicres, ku ishin te ftuar dhe Presidenti i Komitetit Olimpik Shqiptar, Agim Fagu dhe sekretari i Pergjithshem, Stavri Bello. Ne takim ndodhej dhe Pere Miro, drejtor per marredheniet me Komitetet Olimpike Kombetare ne KON. Gjate diskutimit mbi zhvillimet e fundit, ministri Xhaferri i siguroi drejtuesit e larte te IOC per predispoziten e shtetit shqiptar per ofrimin e zgjidhjeve me optimale ne frymen e paqes dhe solidaritetit olimpik, duke vene ne plan te pare interesin dhe perfitimin e sportit dhe sportisteve shqiptare dhe imazhin e tyre ne arenen nderkombetare. Ne kete menyre, MTKRS pranon te njohe zgjedhjet e KOKSH-it e premton "nje fryme te re bashkepunimi" me organizata ombrelle te federatave sportive.

A. Manallari