VLORE/ Policia bashkiake ka urdheruar nderprerjen e punimeve per nje mini-mol per jahtet qeveritare

VLORE - Nje ndertim i nisur nga ana e Ministrise se Mbrojtjes per nje mini-mol qe do tiu sherbeje rezidencave qeveritare ne afersi te tunelit ne Vlore, ka sjelle ne nje perplasje mes ketij institucioni dhe Bashkise se Vlores.

Kjo per faktin se ne momentin qe kane filluar punimet, eshte edhe pezullimi nga ana e vendoreve, duke e cilesuar ate si nje ndertim pa leje. Mesohet se ndertimi i molit ka nisur diten e marte, gjate kohes se te ciles jane hedhur bazamentet e betonit mbajtes te molit.

Por nderkohe, mengjesin e djeshem, ne vendin ku po zhvilloheshin punimet eshte paraqitur policia bashkiake, e cila iu ka kerkuar punonjesve qe ndertonin te nderpresin punimet pasi per nje veper te tille nuk kishte asnje leje nga ana e Bashkise se Vlores.

Sipas burimeve zyrtare nga bashkia e qytetit bregdetar, hapesira ne te cilen do te ndertohet mini-moli eshte prone e Ministrise se Mbrojtjes, ndersa per ndertimin e nisur askush nuk ka marre leje nga autoritetet vendore, dhe si i tille ndertimi konsiderohet pa leje.

Kreu i Bashkise se Vlores ka urdheruar nderprerjen e ndertimit pa leje me nderhyrjen e policise bashkiake, ndersa ende nuk ka asnje reagim zyrtar nga pala tjeter.

Aktualisht, ndertimi eshte nderprere per nje moment te dyte, ndersa kreu i Bashkise se Vlores, Shpetim Gjika, tha per mediat se asnje ndertim pa leje nuk do te lejohet ne territorin e bashkise dhe se kesaj ceshtjeje do ti qendroje mbi koke me qellim moslejimin e shkeljes se ligjit.

Vendoret shprehen se pezullimi do te vijoje deri ne momentin qe do te merret leja nga ana e bashkise, sipas te gjitha procedurave, dhe me pas mund te vijojne me ndertimet. "Nuk kemi te bejme me nje konflikt mes dy institucioneve, por thjesht me nje kerkese per respektimin e te gjitha procedurave", -shprehen burimet nga Bashkia e Vlores.

Aktualisht ndertimi i molit, qe mendohet se do te sherbeje per ankorimin e jahteve per llogari te rezidencave qeveritare aty prane, nuk do te vijoje deri ne momentin qe ceshtja mes vendorit dhe Ministrise se Mbrojtjes do te zgjidhet.