TIRANE- Prokuroria per Krime te Renda ne kryeqytet, me arrestimin e ndertuesit Arben Veliko dhe bashkepunetoreve te tij, Dritan alias Orges Jahelezi, Panajot Dhiamandi, Sokol Kashta dhe Latimir Hoxha, kane nisur verifikimet e pasurise dhe pronave te tyre. Lajmi konfirmohet nga burimet zyrtare te institucionit te akuzes, te cilet sqaruan se per disa te dyshuar tashme jane identifikuar pronat e tyre.
Nga hetimet dhe verifikimet e kryera rezulton se i dyshuari Arben Veliko, ka ne pronesi dy pallate, nje Hotel dhe nje vile luksoze ne qytetin e Vlores dhe ka ne emer te tij dhe pjesetareve te ngushte te familjes shuma te ndryshme parash ne llogari bankare,-thuhet nga burimet e akuzes referuar shkresave te ardhura nga Zyra e Regjistrimit te Pasurive te Paluajtshme ne Vlore e Tirane.
Keto prona, po i nenshtrohen verifikimit te hollesishem dhe pritet qe ne ditet ne vazhdim te grumbullohet i gjithe materiali mbi baze te te cilit do te fillohe edhe procedura e sekuestrimit ne baze te ligjit Antimafia.
Gjithashtu, edhe per te dyshuarit e tjere, Dritan alias Orges Jahelezi, Panajot Dhiamandi, Sokol Kashta dhe Latimir Hoxha, prokuroria ka kerkuar verifikimin e pasurise, qe mendohet se jane pronare te bizneseve te ndryshme ne qytetin e Vlores dhe Fierit.
Te arrestuarit e pese diteve me pare, dyshohet se kane konsumuar vepren penale te trafikut te lendes narkotike ne bashkepunim, duke derguar nga Shqiperia ne Itali sasine prej 11.8 kg heroine e sekuestruar ne makinen e dy korriereve Julian Kajdo dhe Eduart Toshkollari.
' 
