Prej nje viti avokatet e zgjedhur nga prokuroria apo gjykata nuk kane marre pagesat dhe detyrimet qe prokuroria dhe gjykata ka ndaj tyre

Shoqata e Avokateve Penaliste, kercenon se nese pagesat nuk kryhen deri me 5 prill, ata do bojkotojne hetimet dhe proceset

TIRANE- "Nuk ke leke per avokat, te cakton shteti nje te tille". Kjo eshte fraza qe i thuhet cdo personi te arrestuar apo qe ndodhet ne faze gjykimi nga prokurori apo gjyqtari i ceshtjes per personat qe nuk kane mundesi financiare per ta perballuar nje avokat.

Ne momentin qe i arrestuari e pranon kete "oferte" per shkak te pamundesise se kushteve financiare, atij i caktohet nje avokat kryesisht, qe nuk jane te paket ne listat e pritjes por rreth 100 te tille dhe shumica penaliste.

Per nje seance gjyqesore nje avokat i tille paguhet nga 500 deri 1 mije leke te reja, qe sipas ligjit terhiqen cdo fund muaji. Per nje ceshtje ne Shkallen e Pare paguhet nga 10- 30 mije leke te reja, qe merren ne fund te procesit penal.

Edhe pse keto tarifa jane caktuar me ligj per tu shlyer nga prokuroria dhe gjykata, qe nga qershori i 2009, nuk jane shlyer detyrimet kundrejt avokateve kryesisht. Ky fakt ka detyruar kryetarin e Shoqates se Avokateve Penaliste, Sajmir Vishen, te reagoje duke i kerkuar institucioneve perkatese te paguajne detyrimet, ne te kundert do bojkotohen seancat gjyqesore dhe hetimet paraprake te ceshtjeve. "Prej qershorit te 2009 e deri me tani, asnje nga avokatet e caktuar kryesisht nga prokuroria apo gjykata nuk kane marre detyrimet qe iu takojne sipas ligjit.

Kjo ka bere qe shume avokate, afersisht 100, te revoltohen dhe i jane drejtuar Ministrise se Drejtesise per kete problem. Ne si shoqate, i bejme thirrje Prokurorise se Pergjithshme dhe gjykatave te Shkalles se Pare dhe te Apelit qe deri me pese prill ti shlyejne detyrimet per avokatet,- tha Visha per Shekullin.

Sipas tij, ne te kundert do bojkotohen te gjitha ceshtjet hetimore e gjyqesore per tri dite. Sipas tij, shuma e cila eshte pa u paguar avokateve kap shifren e disa milionave leke. "Shteti me i varfer ne Evrope, qe eshte Lituania i paguan avokatet kryesisht me 800 euro ne nje ceshtje hetimore ose gjyqesore, ndersa ne Shqiperi paguhen me pagese qesharake, nga 80 euro deri maksimumin 230 euro.

Ky eshte nje turp per qeverine dhe drejtesine ne vend",-tha avokat Visha. Kryetari i Dhomes Kombetare te Avokatise, Maks Haxhia, ne nje prononcim per median, pranoi se eshte ne dijeni te ketij fakti, dhe sipas tij i eshte kerkuar Ministrise se Drejtesise zgjidhja e problemit. Avokatet kryesisht caktohen nga prokuroria ne fazen hetimore, por edhe nga gjykata gjate fazes se gjykimit te ceshtjeve.

Shumica e ketyre avokateve marrin pjese ne fazen hetimore dhe ne seancat e vleftesimit te arrestit dhe caktimit te mases se sigurise ku caktohet nga gjykata per mbrojtjen e interesave ligjore te te arrestuarve, me tej ata zevendesohen me avokate te zgjedhur.