Parashikohet ulje e ndjeshme e kontributeve, qeveria rrit me 7 mld leke subvencionet

TIRANE- Pavaresisht uljes se shpenzimeve ne te gjithe treguesit, qeveria nuk ka preferuar te beje pjese te shkurtimeve Buxhetin e Sigurimeve Shoqerore, madje ne te kundert ka rritur edhe me tej transferimet nga buxheti i shtetit, per shkak se ka nje ulje te metejshme te realizimeve nga kontributet.

Ne buxhetin fillestar, te ardhurat e Sigurimeve Shoqerore ishin parashikuar ne nivelin e 74.5 miliarde lekeve, shifer kjo qe ka mbetur e njejte edhe ne propozimin e tanishem. Ndryshimi me i madh verehet tek pritshmerite e qeverise tek te ardhurat nga kontributet.

Nese me pare ato ishin parashikuar ne nivelin e 53.5 miliarde lekeve , tashme parashikohen plot 7 miliarde leke me pak ose rreth 46 miliarde leke. Sigurisht qe kjo grope duhet te mbushet dhe per kete qeveria ka menduar rritjen e shumes qe transferohet nga buxheti i shtetit. Nga 21 miliarde leke qe ishte parashikuar ne fillim, shuma qe pritet te transferohet nga buxheti i shtetit per tek Sigurimet Shoqerore do te jete 7 miliarde leke me shume duke arritur ne 28 miliarde leke.

Me uljen e mases se Sigurimeve Shoqerore per te punesuarit ne nivelin e 24.5 per qindve qeveria kishte paralajmeruar zgjerim te skemes dhe rritje te te ardhurave, e cila ne muajt e pare te aplikimit ndodhi. Nderkohe, kete ulje te metejshme te perfitimeve nga kontributeve specialiste te ndryshem e lidhin me informalitetin e ekonomise dhe me keq akoma me uljen e numrit te kontribuuesve cka perkthehet ne rritje te nivelit te papunesise.