TIRANE- Strukturat e Antidroges ne Policine e Tirane sekuestruan rreth 15 kilograme marijuane dhe prangosen transportuesin e lendes narkotike. Ne perfundim te operacionit policor te koduar "Kasollja" u sekuestrua droga e cila dyshohet se vinte nga Lazarati dhe dyshohet se ishte bere gati per ti shitur ne disa zona te kryeqytetit dhe u arrestua Alfred Tufa si transportues i saj. Burimet e Policise se kryeqytetit pohuan dje se personi qe transportonte lenden narkotike mbahej prej disa kohesh nen hetim, pas informacioneve per aktivitetin e tij, nderkohe qe dje eshte kryer dhe sekuestrimi i rreth 15 kg qe dyshohet te jete marijuane dhe u prangos vetem personi qe e transportonte ate. Sipas burimeve te policise, droga e sekuestruar ishte e ndare ne 14 pako te presuara dhe dyshohet se ishte bere gati per tu shitur, por strukturat e Antidroges ne Drejtorine e Policise se Tiranes po hetojne per destinacionin e droges. Por policia ka persona te tjere te dyshuar qe jane marre me transportimin e marijuanes deri ne Tirane, por emrat e tyre nuk jane bere publike per arsye te hetimit. Edhe pse eshte kryer arrestimi i personit qe transportonte lenden narkotike ne Tirane, policia nuk ka mundur qe te bjere ne gjurmet e poseduesit te marijuanes. Personi qe eshte arrestuar eshte marre ne pyetje nga oficeret e Antidroges ne Policine e Tiranes per destinacionin e marijuanes.