Vendimi i qeverise, kryeministri emeron kryetarin, merr nen vartesine e tij Agjencine qe administron pronat e sekuestruara

Parate vendosen ne nje llogari bankare, nese pronari i saj del i pafajshem merr te gjithe shumen

TIRANE- Keshilli i Ministrave, pas miratimit te ligjit Per parandalimin dhe goditjen e krimit te organizuar dhe trafikimit nepermjet masave parandaluese kunder pasurise i njohur ndryshe edhe si ligji Antimafia, ka miratuar ne mbledhjen e djeshme vendimin per menyren e administrimit te pasurive te sekuestruara dhe konfiskuara.

Keshtu, ne baze te ligjit Antimafia me vendim te Gjykates se Krimeve te Renda, nese provohet se pasuria e ngritur nga individe te caktuar nuk perputhet me te ardhurat e ligjshme te tij, ajo pasuri sekuestrohet dhe me pas i nenshtrohet nje procesi penal deri ne konfiskimin e saj.

Per administrimin e kesaj pasurie, sipas vendimit te gjykates, ngarkohet Agjencia e Administrimit te Pasurive te Sekuestruara e te Konfiskuara qe ndodhet ne varesi te Ministrise se Financave, e cila prej kohesh vuante nga mungesa e akteve nen-ligjore per menyren e funksionimit te saj.

Por, me vendimin e djeshem te Keshillit te Ministrave, keta te fundit miratuan aktet nenligjore per Organizimin, Kompetencat dhe Funksionimin e Agjencise se Administrimit te Pasurive te Sekuestruara e te Konfiskuara dhe per Percaktimin e Shperblimit, te personave te trete ne Administrimin e ketyre Pasurive.

Sipas ketij vendimi, struktura e organika e saj percaktohen me urdher te Kryeministrit, me propozimin e Ministrit te Financave. Ky i fundit emeron edhe kryeadministratorin e kesaj agjencie.

Nderkohe, kryeadministratori percakton listen e eksperteve te fushave te ndryshme, te cilet do te punesohen si administratore te ketyre pasurive te sekuestruara e konfiskuara.

Nje here ne vit, kryeadministratori dergon emrat e administratoreve prane Gjykates se Krimeve te Renda, e cila ne vendimin e sekuestrimit apo te konfiskimit te nje prone apo pasurie ngarkon njerin nga emrat qe ndodhen ne ate liste per administrimin e saj-thuhet ne vendimin e firmosur nga kryeministri Sali Berisha.

Administratori, sipas vendimit, ka per detyre te vazhdoje te administroje pronen apo biznesin e sekuestruar, duke depozituar te ardhurat e mbledhura nga kjo prone prane nje llogarie bankare, qe nese prona konfiskohet keto te ardhura i kalojne buxhetit te shtetit, ne te kunderten i kalon pronarit te saj.

Sipas ketij vendimi, administratori pergatit nje plan shpenzimesh dhe te ardhurash per pasurine ne administrim te tij, te cilin e dorezon per miratim te kryeadministratori i Agjencise. Administrimi i pasurive te sekuestruara e te konfiskuara perfshin (por pa u kufizuar) ruajtjen dhe perdorimin e ketyre pasurive per nxjerrjen e te ardhurave.

Procedurat e mbledhjes dhe te administrimit te te ardhurave percaktohen me udhezim te ministrit te Financave-thuhet ne vendimin e miratuar dje nga Keshilli i Ministrave, qe pritet te permiresoje punen e kesaj agjencie qe deri me tani ka hasur ne mos funksionimin normal te saj.

Gjithashtu, mesohet se cdo administrator do te mbaje dhe te evidentoje te dhenat e pasurise se administruar. Shpenzimet dhe te ardhurat nga administrimi i seciles prej pasurive te sekuestruara e te konfiskuara llogariten per kohen gjate se ciles jane marre ne administrim dhe evidentohen ne kartela te vecanta te pasurise ne administrim.

Çdo veprim regjistrohet ne baze te dokumentacionit ligjor perkates. Ne fund te cdo viti financiar, Agjencia pergatit dhe paraqet te ministri i Financave raportin permbledhes financiar te veprimtarise. Rregullat e hollesishme per menyren e mbajtjes dhe te evidentimit te shpenzimeve dhe te te ardhurave te pasurive te sekuestruara e te konfiskuara percaktohen me udhezim te ministrit te Financave-thuhet ne vendim.