Ministri Vasili pohoi se bluzat e bardha qe dergojne pacientet ne privat dhe nuk kane etike komunikimi do ndeshkohen

Bluzat e bardha qe detyrojne pacientin te marre sherbimin privat apo nuk kane etiken e komunikimit me pacientet do te pushohen nga puna. Ultimatumi eshte dhene nga ministri i Shendetesise, Petrit Vasili ne nje takim me drejtuesit e qendrave shendetesore.

Ministri Vasili ka paralajmeruar mjeket se cdo pacienti do t'i degjohet fjala deri ne ministri ndersa bluzave te bardha nuk do t'u jepet asnje mundesi ankimimi.

"Tolerance zero ndaj cdo mjeku dhe infermieri qe do te luaje rolin e sekserit me pacientet duke i drejtuar keta te fundit per ekzaminime laboratorike ne strukturat private nderkohe qe strukturat shteterore i kane te gjitha kapacitetet e duhura. Shkelje te tilla do te marrin denimin e merituar. Kjo eshte nje kauze e humbur per cilindo",- theksoi ministri Vasili.

Nje tjeter pike qe rrezikon vendin e punes se mjekeve dhe infermiereve eshte etika me pacientin. Gjuha dhe sjellja e keqe kryesisht ndaj te moshuarve sipas ministrit Vasili do te jete shkak per largimin e tyre nga puna.

"Perdorimi i nje komunikimi joprofesional ndaj pacienteve, vecanerisht ndaj atyre te moshuar do te behet shkak per largimin nga detyra te cdo mjeku qe e ben nje gje te tille. "Fjala sheron" do te jete motoja e sherbimit tone duke mos lejuar qe asnje pacient te mos dale i lenduar nga gjuha e keqe e kujtdo",- theksoi Petrit Vasili.

Sipas ministrit te Shendetesise keto vendime synojne rritjen e cilesise se sherbimit shendetesor dhe mirefunksionimin e sistemit te referimit. Sipas ketij sistemi sherbimet paresore do te merren vetem nga mjeku i familjes dhe ai specialist. Ndersa ne spital do te shkohet me rekomandimin e ketyre dy mjekeve, nese ata nuk marrin persiper kurimin e pacientit apo ne rast urgjencash.