Nje vendim i dhene nga gjykata e rrethit gjyqesor Fier ndaj shtetasit Gezim Bushi, i cilesuar prej tij si nje i padrejte ka bere qe ky i fundit te tentoje vetevarjen e pikerisht para institucionit te drejtesise.

Ka qene policia qe ka shmangur kete ngjarje te rende. Mengjesin e djeshem Gezim Bushi, banor i Hambarajt te komunes Cakran, ka shkuar ne Gjykaten e Rrethit Fier duke u perpjekur te hyje brenda.

Me vete ka pasur edhe nje litar, per te cilin kur e kane pyetur, eshte shprehur se do ti jepte fund jetes se tij. Ndersa nuk eshte lejuar te hyje brenda institucionit te Gjykates, ai i eshte drejtuar prokurorise duke kerkuar te takonte nje prokuror.

E pasi e kane udhezuar per tek Sherbimi i Brendshem, Bushi ka marre litarin dhe me te ka tentuar te kryeje vetevarjen tek nje peme. Por eshte pare nga polici i sherbimit dhe eshte nxjerre jashte oborrit te institucionit.

Me pas ai i eshte afruar nje shtylle ndricimi dhe te nje reklame metalike ka hedhur perseri litarin qe kete radhe ka ngecur. Ka qene nje patrulle e policise qe e ka shoqeruar Gezim Bushin ne komisariat pas nderhyrjes se policit te prokurorise.

Gezim Bushi, 47 vjec, eshte denuar per kanosje, ngjarje e ndodhur ne gusht te vitit 2009 dhe per kete eshte gjobitur ne shumen prej 250 000 lekesh te reja. Sipas vendimit te gjykates, ai ka kercenuar me arme gjahu nje shtetas pas nje debati, ku edhe ka qelluar ne ajer.

Nderkohe, nje 19-vjecar ne Lushnje eshte gjetur i vetevarur vetem pak metra larg shtepise se tij. Mesohet se mbremjen para se te vdiste, adoleshenti kishte debatuar me prinderit per mungesen e parave. Ndersa ne Elbasan babai i dy femijeve i ka dhene fund jetes duke u vetevarur vetem 3 dite pas kthimit nga Greqia ku punonte si emigrant.