Spanja dhe Barcelona dominojne listen me nga gjashte futbolliste
Zbulohet kandidatet per çmimin "Lojtari me i Mire ne Bote" te FIFA-s per vitin 2009. Te gjithe futbollistet qe jane perfshire ne listen e vogel me 23 emra luajne ne ligat me te rendesishme europiane. "Qeveria" e futbollit boteror publikoi yjet qe do te jene ne gare per trofeun prestigjioz, vetem nje jave pasi "France Football" beri te ditur kandidatet per "Topin e Arte". Edhe ne kete çmim, dominojne lojtaret e Barcelones dhe ata te perfaqesueses spanjolle. Nga skuadra kampione e Europes, konkurrojne gjashte emra: Mesi, Ksavi, Iniesta, Pujol, Henri dhe Samuel Eto‘o (qe tashme mbron ngjyrat e Interit). Kamerunasi i larguar ne fillim te sezonit, "kompensohet" nga prezenca e Zlatan Ibrahimoviç, i cili eshte bere pjese e listes si element i Barçes, por per paraqitjet me kampionet e Italise. Ndryshe nga kandidaturat per "Topin e Arte", nga katalanet eshte perfshire kapiteni Pujol, ndersa eshte lene jashte Jaja Ture. Klubi i dyte me i perfaqesuar eshte Çelsi me pese futbolliste.
Kombetarja e Spanjes ka gjashte lojtare, ku perveç "blaugranave" Ksavi, Iniesta e Pujol, kandidate te tjere jane edhe portieri Iker Kasiljas dhe dyshja sulmuese e perbere nga Fernando Torres e David Vija. "Furia e kuqe" klasifikohet perpara Anglise, e cila ka ne gare mbrojtesin Xhon Terri, dy mesfushoret Stiven Xherard dhe Frenk Lampard dhe sulmuesin Uein Runi. Gjithsesi, favoriti kryesor per t‘u shpallur "Lojtari i Vitit 2009" eshte argjentinasi Lionel Mesi. Pas tij, shanse te mira ka edhe fituesi i edicionit te kaluar, portugezi Kristiano Ronaldo. Brazili ka tre futbolliste mes kandidateve: ata jane fantazisti i Juventusit, Diego, mesfushori i Realit te Madridit, Kaka dhe sulmuesi i Seviljas, Luis Fabiano. Nje tjeter goditje merr futbolli italian, qe prezantohet vetem me portierin Xhixhi Bufon. Gjithsesi, FIFA eshte treguar me "bujare" se "France Football", qe nuk kishte perfshire asnje "axurr" mes kandidateve per "Topin e Arte". Dje jane publikuar edhe dhjete emrat per "Lojtaren me te Mire ne Bote". Ne votime marrin pjese kapitenet dhe trajneret e ekipeve kombetare, ndersa ne fillim te dhjetorit FIFA do te zbuloje pese meshkujt dhe femrat qe kane marre me shume vota. Çmimet do te ndahen me 21 dhjetor, ne nje mbremje gala ne Zyrih te Zvicres.